2023 жылы 4-қаңтар күні Ақтөбе облыстық ғылыми-тәжірибелік орталығының ұйымдастыруымен  Қ.Сәтбаев атындағы орта мектеп-лицейінде онлайн форматта бастауыш сынып мұғалімдеріне педагогикалық шеберхананың 2-отырысы «ZOOM» платформасы арқылы өтті.Шеберхана жетекшілері:Қыстаубаева Дамежан Мырзағалиқызы «Нәтижеге жету үшін мақсатты қалай дұрыс қоюға болады?», Есубаева Гульмира Уринбасаровнаның «Тіл сабақтарын оқытудағы креативтік әдіс-тәсілдер» тақырыптарында  бастауыш  сынып  мұғалімдерімен  тәжірибе  бөлісті.

Шеберхана отырысына облыс мектептерінің бастауыш сынып мұғалімдері қатысты. Отырыс жұмысы Ақтөбе облыстық ғылыми-тәжірибелік орталығының  әдіскері,ф.ғ.магистрі С.О.Жубаева мен Қ.Сәтбаев атындағы орта мектеп-лицейінің директордың оқу-тәрбие ісі  жөніндегі орынбасары Г.Н.Бисенованың кіріспе сөздерімен басталды. Практикалық бөлімінде «Квест» ойыны, «Қиын» сөздер аукционы, «Данышпан үкілер», «Ысқыру диктанты», «Сұрақ-жауапқа құрылған хат», «Орынсыз жауаптар», «Коллаж әңгіме», «Жедел жауап» тағы басқа  әдістерді сабақ барысында пайдаланудың жолдарымен таныстырды. Отырыс соңында, шеберхана жұмыстары қорытындылап, қатысушылар жылы лебіздерін білдірді.