Қай қоғамда болсын адамзат үшін ең қажетті мамандықтың бірі – ұстаздық. Білікті ұстаз – бүгінгі заманның талабы. Тәлім-тәрбие мен қоса, оқу-білімді қатар үйрететін де ұстаз. Білімді ұрпақ елдің ертеңі, ұлт айнасы десек те болады. Ұрпақ білімді болса, мемлекетіміз әлемнің алпауыт елдерімен иық тіресіп, бәсекеге қабілеті жоғарылай түседі. Осындай саналы ұрпақтарды тәрбиелеп,біліммен шыңдап жүрген Новый орта мектеп-лицейінің білікті ұстазы ҚЫСТАУБАЕВА ДӘМЕЖАН МЫРЗАҒАЛИҚЫЗЫ Ақтөбе облысының білім беру саласындағы тынымсыз шығармашылық еңбегі үшін Ақтөбе облысы білім басқармасының Құрмет грамотасымен марапатталды. Ұстазымызға шығармашылық табыс тілейміз!