Новый орта мектеп-лицейінде жоспарға сәйкес ата-аналар жиналысы өтті. Жиналыста 2019-2020 оқу жылының І тоқсан қорытындысы қаралды. Ата-аналар оқушылардың сабақ үлгерімімен, білім сапасымен танысып, пән мұғалімдерімен жеке жүздесті. Мұғалімдер жаңартылған білім беру бағдарламасының ерекшеліктері мен критериалды бағалау туралы түсінік берді. Сонымен қатар, жасөспірімдер арасындағы құқықбұзушылық пен зорлық-зомбылық секілді іс-әрекеттердің алдын алудың маңыздылығы талқыланып, ата-аналар осы тақырып бойынша өз ұсыныстарымен бөлісті. Әрбір ата-ана бала тәрбиесіне көңіл бөліп, мектеппен тығыз байланыста жұмыс жасауы оң нәтиже берері сөзсіз. Әр бала бақытты болуы тиіс.